ಜನ್ಮ ಕುಂಡಲಿಯ ಹನ್ನೆರಡು ಮನೆಗಳು

ಒಂದು ಜನ್ಮ ಕುಂಡಲಿಯಲ್ಲಿ ಹನ್ನೆರಡು ಮನೆಗಳಿರುತ್ತವೆ. ಈ ಒಂದೊಂದು ಮನೆಯೂ ಜೀವನದ ವಿವಿಧ ಕ್ಷೇತ್ರಗಳಿಗೆ ಅನ್ವಯಿಸುತ್ತವೆ. ಮೊದಲನೆಯ ಮನೆ ವ್ಯಕ್ತಿಯ ವ್ಯಕ್ತಿತ್ವ, ದೈಹಿಕ ರೀತಿಯನ್ನು ತಿಳಿಸುತ್ತದೆ. ಇದು ವ್ಯಕ್ತಿಯ ಆರ್ಥಿಕ ಸ್ಥಿತಿಗತಿ, ಹಣ ಗಳಿಸುವ ಬಗೆ ಇತ್ಯಾದಿಗಳನ್ನು ಸೂಚಿಸುತ್ತದೆ. ಮೂರನೇ ಮನೆ ವ್ಯಕ್ತಿಯ ಸುತ್ತಲಿನ ಆತ್ಮೀಯ ಪರಿಸರ ಅಂದರೆ ಸೋದರ-ಸೋದರಿಯರು, ಶಾಲೆ, ಆಫೀಸಿನ ಹತ್ತಿರದ ಪರಿಧಿಯನ್ನು ಹೇಳುತ್ತದೆ. ನಾಲ್ಕನೇ ಮನೆ ಕುಟುಂಬ, ತಲೆಮಾರು ಇತ್ಯಾದಿ ವಂಶ ಮಾಹಿತಿಯನ್ನು, ಐದನೇ ಮನೆ ಪ್ರೀತಿಪ್ರೇಮ, ಸುಖ, ಬಿಡುವು, ಮಕ್ಕಳು ಇತ್ಯಾದಿಗಳ ಬಗ್ಗೆ, ಆರನೇ ಮನೆ ದಿನನಿತ್ಯದ ಕೆಲಸ, ಸಹೋದ್ಯೋಗಿಗಳು, ಆರೋಗ್ಯ ಇತ್ಯಾದಿಗಳನ್ನು, ಏಳನೇ ಮನೆ ಮದುವೆಯ ಬಗ್ಗೆ, ಎಂಟನೇ ಮನೆ ಬದುಕಿನ ಇಷ್ಟ-ಕಷ್ಟಗಳು, ಲೈಂಗಿಕತೆ, ಸಾವಿನ ಕುರಿತು, ಒಂಬತ್ತನೇ ಮನೆ ಪ್ರವಾಸ, ಅಧ್ಯಾತ್ಮ ಇತ್ಯಾದಿಗಳ ಬಗ್ಗೆ, ಹತ್ತನೇ ಮನೆಯು ತಾಯಿ, ಸಾಮಾಜಿಕ ಯಶಸ್ಸಿನ ಬಗ್ಗೆ, 11ನೇ ಮನೆ ಗೆಳೆಯರು, ಭದ್ರತೆ ಇತ್ಯಾದಿಗಳ ಬಗ್ಗೆ, ಹನ್ನೆರಡನೇ ಮನೆ ವೈರಿಗಳು, ಕಷ್ಟಗಳು, ಗುಟ್ಟಿನ ಸಂಗತಿಗಳನ್ನು ಸೂಚಿಸುತ್ತವೆ.