ನಮ್ಮ ಜಾತಕವನ್ನು ನಾವೇ ತಿಳಿಯಲು ಸಾಧ್ಯವೆ ? ಸಾಧ್ಯ ಎನ್ನುವುದು ಇದನ್ನು ಓದಿದರೆ ನಿಮಗೇ ಗೊತ್ತಾಗುತ್ತದೆ.

ನಮ್ಮ ಜಾತಕವನ್ನು ನಾವೇ ತಿಳಿಯಲು ಸಾಧ್ಯವೆ ? ಸಾಧ್ಯ ಎನ್ನುವುದು ಇದನ್ನು ಓದಿದರೆ ನಿಮಗೇ ಗೊತ್ತಾಗುತ್ತದೆ. * ರಾಮಸ್ವಾಮಿ ಜನ್ಮಕುಂಡಲಿ ಸಾಮಾನ್ಯವಾಗಿ ಚೌಕಾಕಾರದಲ್ಲಿ ಇರುತ್ತದೆ. ಜಾತಕ ಕುಂಡಲಿಯಲ್ಲಿ ಒಟ್ಟು 12 ಮನೆಗಳಿರುತ್ತವೆ. ಇದನ್ನು ನಾವು ಅರ್ಥ ಮಾಡಿಕೊಂಡು ಅದರಲ್ಲಿನ ವಿವರ ತಿಳಿದುಕೊಳ್ಳಲು ಸಾಧ್ಯವಿದೆ. ಜನ್ಮರಾಶಿಗಳು ಯಾವ ಮನೆಯಿಂದ ಪ್ರಾರಂಭವಾಗಿ ಎಲ್ಲಿಗೆ ಕೊನೆಯಾಗುತ್ತವೆ. ಕುಂಡಲಿಯ 12 ಮನೆಗಳಲ್ಲಿ ನಮ್ಮ ರಾಶಿ ಯಾವುದು? ಲಗ್ನ ಎಂದರೇನು? ಲಗ್ನ ಯಾವ ಯಾವ ಮನೆಯಲ್ಲಿದೆ? ಲಗ್ನದ ಜತೆಯಲ್ಲಿ ಬೇರೆ ಗ್ರಹಗಳಿವೆಯೇ ಅಥವಾ ಲಗ್ನದ ಜತೆ ಬೇರೆ ಬೇರೆ ಗ್ರಹಗಳಿಲ್ಲದಿದ್ದರೆ, ಅದರ ಪಲಾಫಲಗಳೇನು ಎಂಬುದನ್ನೂ ನಾವು ಓದಿಯೇ ತಿಳಿಯಬಹುದಾಗಿದೆ. ಇದಕ್ಕಾಗಿ ಸ್ವಲ್ಪ ಪ್ರಯತ್ನವನ್ನಂತೂ ಪಡಲೇಬೇಕು. ಇದಕ್ಕೂ ಮುನ್ನ ಜನ್ಮ ಕುಂಡಲಿಯ ಯಾವ ಮನೆಯಲ್ಲಿ ‘ಲ’ ಅರ್ಥಾತ್ ಲಗ್ನ ಎಂದು ಇರುವುದೋ ಅದೇ ಮೊದಲನೆ ಮನೆ. ಯಾವ ಮನೆಯಲ್ಲಿ ಚ-ಚಂದ್ರ ಎಂದು ಇದೆಯೋ ಅದೇ ಜನ್ಮರಾಶಿ. 1ನೇ ಮನೆಯಲ್ಲಿ ‘ಲ’ ಲಗ್ನ 2 ನೇ ಮನೆಯಲ್ಲಿ ‘ಶ’ ಶನಿ ಇದ್ದಾನೆ. 3 ನೇ ಮನೆಯಲ್ಲಿ ಯಾವ ಗ್ರಹವೂ ಇಲ್ಲ 4 ನೇ ಮನೆಯಲ್ಲಿ ರಾಹು ಇದ್ದಾನೆ. 5 ನೇ ಮನೆಯಲ್ಲಿ ‘ಚ’ ಚಂದ್ರ ಮತ್ತು ‘ಮಾ’ ಮಾಂದಿ ಇದು ಗ್ರಹ ಅಲ್ಲ, ಗುಳಿಕ ಕಾಲಕ್ಕೆ ಲೆಕ್ಕ ಹಾಕುವುದು. 6 ನೇ ಮನೆಯಲ್ಲಿ ‘ರ’ ರವಿ ಅಥವಾ ಸೂರ್ಯ ಇದ್ದಾನೆ. ‘ಶು’ ಶುಕ್ರ ಇದೇ ಮನೆಯಲ್ಲಿದ್ದಾನೆ. 7 ನೇ ಮನೆಯಲ್ಲಿ ‘ಬು’ ಬುಧ ಇದ್ದಾನೆ. ‘ಗು’ ಇದೇ ಮನೆಯಲ್ಲಿ ಗುರುವೂ ಇದ್ದಾನೆ. 8 ನೇ ಮನೆಯಲ್ಲಿ ‘ಕು’ ಕುಜ ಅಥವಾ ಮಂಗಳ ಇದ್ದಾನೆ. 9 ನೇ ಮನೆಯಲ್ಲಿ ಯಾವ ಗ್ರಹವೂ ಇಲ್ಲ 10 ನೇ ಮನೆಯಲ್ಲಿ ‘ಕೇ’ ಕೇತು ಇದ್ದಾನೆ. 11 ನೇ ಮನೆಯಲ್ಲಿ ಯಾವ ಗ್ರಹವೂ ಇಲ್ಲ 12 ನೇ ಮನೆಯಲ್ಲಿ ಯಾವ ಗ್ರಹವೂ ಇಲ್ಲ ಗ್ರಹಗಳು ಮತ್ತು ರಾಶಿಯ ಸ್ಥಾನಗಳನ್ನು ತಿಳಿದುಕೊಂಡ ನಂತರ 9ಗ್ರಹಗಳು ನಮಗೆ ಯಾವ ರೀತಿಯ ಸಂಬಂಧ ಇದೆ ಎಂಬುದು ತಿಳಿದರೆ ಆಯಾ ಕುಟುಂಬಗಳಲ್ಲಿ ಜಾತಕನಿಗೆ ಯಾರಿಂದ ತೊಂದರೆ ಅಥವಾ ಒಳ್ಳೆಯದಾಗುತ್ತಿದೆ ಎಂಬುದನ್ನು ತಕ್ಕಮಟ್ಟಿಗೆ ತಿಳಿಯಬಹುದು. ವಿಚಾರ ಗೊತ್ತಿಲ್ಲದೆ ನಾವು ನಾವೇ ಇದು ಕೆಟ್ಟ ಗ್ರಹ ಅದು ಒಳ್ಳೆಯ ಗ್ರಹ ಎಂದು ಏನೇನೊ ಊಹಿಸಿಕೊಳ್ಳಬಾರದು. ಕುಟುಂಬದಲ್ಲಿ ನಮ್ಮ ನಮ್ಮಲ್ಲೇ ಹೇಗೆ ವಿಶ್ವಾಸಗಳು ಅಥವಾ ಮನಸ್ತಾಪಗಳು ಇರುತ್ತವೆಯೋ ಹಾಗೆ ಗ್ರಹಗಳಲ್ಲಿಯೂ ಮಿತ್ರತ್ವ , ಸ್ನೇಹತ್ವ ಅಥವಾ ತಟಸ್ಥ ಸ್ವಭಾವವು ಇರುತ್ತದೆ. ಹೀಗಾಗಿ ಗ್ರಹಗಳ ಸಂಬಂಧ ತಿಳಿಯೋಣ. 1. ರವಿ ಗ್ರಹವು ತಂದೆಯ ಗುಣ ಹೊಂದಿರುತ್ತದೆ ಮತ್ತು ಇದರ ದಿಕ್ಕು ಪೂರ್ವ. 2. ಚಂದ್ರ ಗ್ರಹವು ತಾಯಿಯ ಗುಣ ಮತ್ತು ಮನಸ್ಸನ್ನು ಪ್ರತಿನಿಧಿಸುತ್ತದೆ. ಇದರ ದಿಕ್ಕು ವಾಯುವ್ಯ. 3. ಕುಜ ಅಥವಾ ಮಂಗಳವು ಸೋದರ ಸೋದರಿ ಗುಣವನ್ನು ಪ್ರತಿನಿಧಿಸುತ್ತದೆ. ಇದರ ದಿಕ್ಕು ದಕ್ಷಿಣ. 4. ಬುಧ ಗ್ರಹವು ವಿದ್ಯೆ, ವಾಕ್ಚಾತುರ್ಯ ಮತ್ತು ಬಂಧುತ್ವ ಗುಣವನ್ನು ಹೊಂದಿರುತ್ತದೆ, ಇದರದ್ದು ಉತ್ತರ ದಿಕ್ಕು. 5. ಗುರು ಗ್ರಹವು ಪುತ್ರ, ಜ್ಞಾನ, ಸದ್ಗುಣ, ಸಂತಾನ, ಹಣಕಾಸು ಸ್ಥಿತಿಗತಿಯನ್ನು ಸೂಚಿಸುತ್ತದೆ. ಇದರದ್ದು ಈಶಾನ್ಯ ದಿಕ್ಕು. 6. ಶುಕ್ರ ಗ್ರಹವು ಪತ್ನಿ ಮತ್ತು ವಾಹನ ಮಾದರಿಯ ಸಂಬಂಧವನ್ನು ಹೊಂದಿರುತ್ತದೆ. ಇದರದ್ದು ಆಗ್ನೇಯ ದಿಕ್ಕು. 7. ಶನಿ ಗ್ರಹವು ಆಯುಶ್ಯಮತ್ತು ಸೇವಕರ ಸ್ವಭಾವವನ್ನು ಪ್ರತಿನಿಧಿಸುವುದಾಗಿದ್ದು, ಇದರದ್ದು ಪಶ್ಚಿಮ ದಿಕ್ಕು. 8. ರಾಹು ಗ್ರಹವು ತಾಯಿಯ ತಾಯಿಯ ಸ್ವಭಾವವನ್ನು ಪ್ರತಿನಿಧಿಸುವುದಾಗಿದ್ದು, ಇದರದ್ದು ನೈರುತ್ಯ ದಿಕ್ಕಾಗಿದೆ. 9. ಉಳಿದಂತೆ ಕೇತು ಗ್ರಹವು ಪಿತಾಮಹರ ಸ್ವಭಾವವನ್ನು ಒಳಗೊಂಡಿದ್ದು, ಇದರದ್ದು ಈಶಾನ್ಯ ದಿಕ್ಕಾಗಿದೆ. ಇನ್ನೂ ಕೆಲ ಉದಾಹರಣೆಗಳೊಂದಿಗೆ ಎಲ್ಲ ಒಂಬತ್ತು ಗ್ರಹಗಳು ಜನ್ಮಕುಂಡಲಿ ಮುಖಾಂತರ ನಮ್ಮ ಜೀವನದ ಭವಿಷ್ಯದಲ್ಲಿ ಮತ್ತೆ ಏನೇನು ಪ್ರಭಾವಗಳನ್ನು ಬೀರಬಹುದು. ನಮ್ಮ ಜನ್ಮ ಕುಂಡಲಿಗೂ ನಾವು ನಡೆಸುತ್ತಿರುವ ಜೀವನ ಚರಿತ್ರೆಗೂ ಅಲ್ಪ ಸ್ವಲ್ಪ ಸಂಬಂಧಗಳನ್ನು ಕಾಣಬಹುದೇ? ನಮ್ಮ ಆಹಾರಕ್ರಮ. ಕಾಡಬಹುದಾದ ಕಾಯಿಲೆಗಳು, ನಾವು ನಡೆಯುತ್ತಿರುವ ದಾರಿ, ನಮ್ಮ ಸ್ಥಾನಮಾನ, ಆರೋಗ್ಯ, ನಡತೆ, ವಿದ್ಯಾಭ್ಯಾಸ ಇತ್ಯಾದಿಗಳನ್ನು ತಿಳಿದುಕೊಳ್ಳಬಹುದಾಗಿದೆ. ಲ