ಜಾತಕ ಸ್ಥಾನದೊಂದಿಗಿನ ಸ್ವಭಾವ

ಜಾತಕ ಕುಂಡಲಿಯಲ್ಲಿನ ಹನ್ನೆರಡು ಮನೆಗಳು ದ್ವಾದಶ ರಾಶಿಗಳನ್ನು, ದ್ವಾದಶ ಭಾವಗಳನ್ನು ಸೂಚಿಸುತ್ತವೆ. ಕುಂಡಲಿಯಲ್ಲಿ ಹನ್ನೆರಡು ಮನೆಗಳಿದ್ದು ದ್ವಾದಶ ರಾಶಿಗಳನ್ನು ಪ್ರತಿನಿಧಿಸುತ್ತದೆ. ಹನ್ನೆರಡು ಮನೆಗಳನ್ನು ದ್ವಾದಶ ಸ್ಥಾನಗಳೆನ್ನುತ್ತಾರೆ. ಸ್ಥಾನಗಳಲ್ಲಿರುವ ಗ್ರಹಗಳನ್ನು ಆಧರಿಸಿ ಜಾತಕನ ಫಲಾಫಲಗಳನ್ನು ತಿಳಿದುಕೊಳ್ಳಬಹುದು. ಲಗ್ನ : ಲಗ್ನ ಸ್ಥಾನದಿಂದ ವ್ಯಕ್ತಿಯ ವಿಚಾರ, ಗುಣ, ನಡತೆ, ಸ್ವರೂಪ, ಸನ್ಮಾನ, ಕೀರ್ತಿ, ಆರೋಗ್ಯ, ಆಕಾರ, ವಿಕಾರ, ಘನತೆ ಮತ್ತಿತರ ವಿಚಾರಗಳನ್ನು ತಿಳಿದುಕೊಳ್ಳಬಹುದು. ದ್ವಿತೀಯ : ಹಣದ ವಿಚಾರ, ಕೊಲೆ, ಸುಲಿಗೆ, ಬಲನೇತ್ರದ ವಿಚಾರ, ವಿದ್ಯೆ, ಮಾತು, ಕೊಲೆ, ಸುಲಿಗೆ ಮತ್ತಿತರ ವಿಚಾರಗಳನ್ನು ಅರ್ಥ ಮಾಡಿಕೊಳ್ಳಬಹುದು. ತೃತೀಯ : ಅಣ್ಣ, ತಮ್ಮ, ಅಕ್ಕ, ತಂಗಿ, ಸೋದರ, ಸೋದರಿ, ಧೈರ್ಯ, ಶೌರ್ಯ, ಪರಾಕ್ರಮ, ಎದೆಗಾರಿಕೆ, ಸೇವಕರು, ಕುಸ್ತಿಪಟುಗಳು ಮತ್ತಿತರ ವಿಚಾರಗಳನ್ನು ತಿಳಿಯಬಹುದು. ಚತುರ್ಥ : ಗಾಯನ, ಹಾಡುಗಾರಿಕೆ, ಭಾವಿ, ಭೂಮಿ, ಕೆರೆ, ವಾಹನ, ಮಾತು, ವಿದ್ಯಾಭ್ಯಾಸ, ಮನೆ, ಬಂಧುಗಳ ವಿಚಾರವನ್ನು ತಿಳಿಸುತ್ತದೆ. ಪಂಚಮ : ರಾಜ ಸನ್ಮಾನ, ಕವಿ, ವಾಮಾಚಾರ, ಮಂತ್ರಿ, ಪುತ್ರ, ವಿದ್ಯೆ, ಸೆರೆಮನೆವಾಸ, ಮಂತ್ರಿ, ಬಂಧನ ಮತ್ತಿತರ ವಿಷಯಗಳನ್ನು ತಿಳಿಸುತ್ತದೆ. ಷಷ್ಠಮ : ದಗಾಕೋರ, ಮೋಸಗಾರ, ಜಗಳ, ಕದನ, ಶತ್ರುನಾಶ, ಹೋರಾಟ, ವೈರತ್ವ, ಕಾಯಿಲೆ ಮತ್ತಿತರ ವಿಷಯಗಳ ಸೂಚ್ಯಕವಾಗಿದೆ. ಅಷ್ಟಮ : ವಿದೇಶ ವಾಸ, ಅಪಘಾತ, ಮರಣ, ಆಯಸ್ಸು, ಅಚಾನಕ್‌ ಧನಪ್ರಾಪ್ತಿ ಮತ್ತಿತರ ವಿಷಯಗಳನ್ನು ತಿಳಿಸುತ್ತದೆ. ನವಮ : ಪೂರ್ವಜರ ಆಸ್ತಿ, ಸಂತಾನ, ವಾಹನಯೋಗ, ಭಕ್ತಿ, ಜ್ಞಾನ, ತೀರ್ಥಯಾತ್ರೆ, ದಾನ, ಧರ್ಮ, ಪಿತೃಭಾಗ್ಯ ವಿಚಾರಗಳನ್ನು ಹೇಳುತ್ತದೆ. ದಶಮ : ನ್ಯಾಯಾಲಯ, ಕೋರ್ಟ್‌, ಕಚೇರಿ ವ್ಯವಹಾರ, ಮಂತ್ರಸಿದ್ಧಿ, ಸರಕಾರದಿಂದ ಧನ ಪ್ರಾಪ್ತಿ, ವಿದ್ಯೆ, ಐಶ್ವರ್ಯ, ಆಯಸ್ಸು ಮತ್ತಿತರ ವಿಚಾರಗಳನ್ನು ತಿಳಿಸುತ್ತದೆ. ಏಕಾದಶ : ವಾಹನ, ಐಶ್ವರ್ಯ, ದೊಡ್ಡಣ್ಣ, ಅಳಿಯ, ಸೋದರತ್ತೆ, ಸೊಸೆ, ಶುಭ ವಿಚಾರಗಳನ್ನು ಸೂಚಿಸುತ್ತದೆ. ದ್ವಾದಶ : ದುಃಖ, ನಷ್ಟ, ಪಾಪ, ಪುಣ್ಯ, ಸನ್ಯಾಸಿಯೋಗ, ಒರಟು ಪ್ರವೃತ್ತಿ, ಹಣಕಾಸಿನ ವಿಚಾರಗಳನ್ನು ಸೂಚಿಸುತ್ತದೆ.