|| ದತ್ತಾತ್ರೇಯ ಸ್ತೋತ್ರಮ್‌ ||

|| ದತ್ತಾತ್ರೇಯ ಸ್ತೋತ್ರಮ್‌ || ಜಟಾಧರಮ್ ಪಾಂಡುರಂಗಮ್‌ ಶೂಲಹಸ್ತಮ್ ಕೃಪಾನಿಧಿಮ್‌ | ಸರ್ವರೊಗ ಹರಂ ದೇವಂ ದತ್ತಾತ್ರೇಯಮಹಂ ಭಜೇ || . ಅಸ್ಯ ಶ್ರೀ ದತ್ತಾತ್ರೇಯ ಸ್ತೋತ್ರ ಮಂತ್ರಸ್ಯ ಭಗವಾನ್ ನಾರದ ಋಷಿ: | ಅನುಷ್ಟುಪ್ ಛಂದ: | ಶ್ರೀ ದತ್ತ ಪರಮಾತ್ಮಾ ದೇವತಾ | ಶ್ರೀ ದತ್ತ ಪ್ರೀತ್ಯರ್ಥೇ ಜಪೇ ವಿನಿಯೋಗ: || || ಓಂ || ಜಗದುತ್ಪತ್ತಿ ಕರ್ತ್ರೇ ಚ ಸ್ಥಿತಿ ಸಂಹಾರ ಹೇತವೇ | ಭವಪಾಶ ವಿಮುಕ್ತಾಯ ದತ್ತಾತ್ರೇಯ ನಮೋಸ್ತುತೇ || ೧ || ಜರಾಜನ್ಮ ವಿನಾಶಾಯ ದೇಹ ಶುದ್ಧಿ ಕರಾಯ ಚ | ದಿಗಂಬರ ದಯಾ ಮೂರ್ತೇ ದತ್ತಾತ್ರೇಯ ನಮೋಸ್ತುತೇ || ೨ || ಕರ್ಪೂರ ಕಾಂತಿ ದೇಹಾಯ ಬ್ರಹ್ಮ ಮೂರ್ತಿ ಧರಾಯ ಚ | ವೇದ ಶಾಸ್ತ್ರ ಪರಿಜ್ಞಾಯ ದತ್ತಾತ್ರೇಯ ನಮೋಸ್ತುತೇ || ೩ || ಹ್ರಸ್ವ ದೀರ್ಘ ಕೃಶ ಸ್ಥೂಲ ನಾಮ ಗೋತ್ರ ವಿವರ್ಜಿತ | ಪಂಚ ಭೂತೈಕ ದೀಪ್ತಾಯ ದತ್ತಾತ್ರೇಯ ನಮೋಸ್ತುತೇ || ೪ || ಯಜ್ಞ ಭೊಕ್ತೇ ಚ ಯಜ್ಞಾಯ ಯಜ್ಞರೂಪ ಧರಾಯ ಚ | ಯಜ್ಞಪ್ರಿಯಾಯ ಸಿದ್ಧಾಯ ದತ್ತಾತ್ರೇಯ ನಮೋಸ್ತುತೇ || ೫ || ಆದೌ ಬ್ರಹ್ಮಾ ಮಧ್ಯೇ ವಿಷ್ಣುರ್ ಅಂತೇ ದೇವ ಸದಾಶಿವ: | ಮೂರ್ತಿತ್ರಯ ಸ್ವರೂಪಾಯ ದತ್ತಾತ್ರೇಯ ನಮೋಸ್ತುತೇ || ೬ || ಭೋಗಾಲಯಾಯ ಭೋಗಾಯ ಯೋಗ ಯೋಗ್ಯಾಯ ಧಾರಿಣೇ | ಜಿತೇಂದ್ರಿಯ ಜಿತಜ್ಞಾಯ ದತ್ತಾತ್ರೇಯ ನಮೋಸ್ತುತೇ || ೭ || ದಿಗಂಬರಾಯ ದಿವ್ಯಾಯ ದಿವ್ಯ ರೂಪಧರಾಯ ಚ | ಸದೋದಿತ ಪರಬ್ರಹ್ಮ ದತ್ತಾತ್ರೇಯ ನಮೋಸ್ತುತೇ || ೮ || ಜಂಬುದ್ವೀಪ ಮಹಾಕ್ಷೇತ್ರ ಮಾತಾಪುರ ನಿವಾಸಿನೇ | ಜಯಮಾನಸತಾಂ ದೇವ ದತ್ತಾತ್ರೇಯ ನಮೋಸ್ತುತೇ || ೯ || ಭಿಕ್ಷಾಟನಂ ಗೃಹೇ ಗ್ರಾಮೇ ಪಾತ್ರಂ ಹೇಮಮಯಂ ಕರೇ | ನಾನಾ ಸ್ವಾದಮಯೀ ಭಿಕ್ಷಾ ದತ್ತಾತ್ರೇಯ ನಮೋಸ್ತುತೇ || ೧೦ || ಬ್ರಹ್ಮ ಜ್ಞಾನಮಯೀ ಮುದ್ರಾ ವಸ್ತ್ರೇ ಚಾಕಾಶ ಭೂತಲೇ | ಪ್ರಜ್ಞಾನ ಘನಬೊಧಾಯ ದತ್ತಾತ್ರೇಯ ನಮೋಸ್ತುತೇ || ೧೧ || ಅವಧೂತ ಸದಾನಂದ ಪರಬ್ರಹ್ಮ ಸ್ವರೂಪಿಣೇ | ವಿದೇಹ ದೇಹ ರೂಪಾಯ ದತ್ತಾತ್ರೇಯ ನಮೋಸ್ತುತೇ || ೧೨ || ಸತ್ಯಂರೂಪ ಸದಾಚಾರ ಸತ್ಯಧರ್ಮ ಪರಾಯಣ | ಸತ್ಯಾಶ್ರಯ ಪರೋಕ್ಷಾಯ ದತ್ತಾತ್ರೇಯ ನಮೋಸ್ತುತೇ || ೧೩ || ಶೂಲಹಸ್ತ ಗದಾಪಾಣೇ ವನಮಾಲಾ ಸುಕಂಧರ | ಯಜ್ಞ ಸೂತ್ರಧರ ಬ್ರಹ್ಮನ್‌ ದತ್ತಾತ್ರೇಯ ನಮೋಸ್ತುತೇ || ೧೪ || ಕ್ಷರಾಕ್ಷರ ಸ್ವರೂಪಾಯ ಪರಾತ್ಪರ ತರಾಯ ಚ | ದತ್ತಮುಕ್ತಿ ಪರಸ್ತೋತ್ರ ದತ್ತಾತ್ರೇಯ ನಮೋಸ್ತುತೇ || ೧೫ || ದತ್ತ ವಿದ್ಯಾಢ್ಯ ಲಕ್ಷ್ಮೀಶ ದತ್ತ ಸ್ವಾತ್ಮ ಸ್ವರೂಪಿಣೇ | ಗುಣನಿರ್ಗುಣ ರೂಪಾಯ ದತ್ತಾತ್ರೇಯ ನಮೋಸ್ತುತೇ || ೧೬ || ಶತ್ರುನಾಶಕರಂ ಸ್ತೋತ್ರಂ ಜ್ಞಾನವಿಜ್ಞಾನ ದಾಯಕಮ್ | ಸರ್ವಪಾಪಂ ಶಮಂ ಯಾತಿ ದತ್ತಾತ್ರೇಯ ನಮೋಸ್ತುತೇ || ೧೭ || ಇದಂ ಸ್ತೋತ್ರಂ ಮಹದ್ದಿವ್ಯಂ ದತ್ತಪ್ರತ್ಯಕ್ಷ ಕಾರಕಮ್ | ದತ್ತಾತ್ರೇಯ ಪ್ರಸಾದಚ್ಚ ನಾರದೇನ ಪ್ರಕೀರ್ತಿತಮ್ ||೧೮ || || ಇತಿ ಶ್ರೀ ನಾರದ ಪುರಾಣೇ ನಾರದ ವಿರಚಿತ ದತ್ತಾತ್ರೇಯ ಸ್ತೋತ್ರಂ ಸಂಪೂರ್ಣಮ್ || -SANGRHA