|| ಚಂದ್ರ ಅಷ್ಟಾವಿಂಶತಿನಾಮ ಸ್ತೋತ್ರಮ್‌ ||

|| ಚಂದ್ರ ಅಷ್ಟಾವಿಂಶತಿನಾಮ ಸ್ತೋತ್ರಮ್‌ || ಶ್ರೀ ಗಣೇಶಾಯನಮ: ಅಸ್ಯ ಶ್ರೀ ಚಂದ್ರ ಸ್ಯಾಷ್ಟಾವಿಂಶತಿ ನಾಮ ಸ್ತೋತ್ರಸ್ಯ | ಗೌತಮ ಋಷಿ: | ವಿರಾಟ್‌ ಛಂದ: | ಸೋಮೋ ದೇವತಾ | ಚಂದ್ರಸ್ಯ ಪ್ರೀತ್ಯರ್ಥೇ ಜಪೇ ವಿನಿಯೋಗ: || . ಚಂದ್ರಸ್ಯ ಶೃಣು ನಾಮಾನಿ ಶುಭದಾನಿ ಮಹೀಪತೇ | ಯಾನಿ ಶೃತ್ವಾ ನರೋ ದು:ಖಾನ್ಮುಚ್ಯತೇ ನಾತ್ರಸಂಶಯ: || ೧ || . ಸುಧಾಕರಶ್ಚ ಸೋಮಶ್ಚ ಗ್ಲೌರಬ್ಜ: ಕುಮುದಪ್ರಿಯ: | ಲೋಕಪ್ರಿಯ: ಶುಭ್ರಭಾನುಶ್ಚಂದ್ರಮಾ ರೋಹಿಣೀಪತಿ || ೨ || . ಶಶೀ ಹಿಮಕರೋ ರಾಜಾ ದ್ವಿಜರಾಜೋ ನಿಶಾಕರ: | ಆತ್ರೇಯ ಇಂದು: ಶೀತಾಂಶುರೋಷಧೀಶ: ಕಲಾನಿಧಿ: || ೩ || . ಜೈವಾತೃಕೋ ರಮಾಭ್ರಾತಾ ಕ್ಷೀರೋದಾರ್ಣವ ಸಂಭವ: | ನಕ್ಷತ್ರನಾಯಕ: ಶಂಭು: ಶಿರಶ್ಚೂಡಾಮಣಿರ್ವಿಭು: || ೪ || . ತಾಪಹರ್ತಾ ನಭೋದೀಪೋ ನಾಮಾನ್ಯೇತಾನಿ ಯ: ಪಠೇತ್‌ | ಪ್ರತ್ಯಹಂ ಭಕ್ತಿಸಂಯುಕ್ತಸ್ತಸ್ಯ ಪೀಡಾ ವಿನಶ್ಯತಿ || ೫ || . ತದ್ದಿನೇ ಚ ಪಠೇದ್ಯಸ್ತು ಲಭೇತ್‌ ಸರ್ವಂ ಸಮೀಹಿತಮ್‌ | ಗ್ರಹಾದೀನಾಂ ಚ ಸರ್ವೇಷಾಂ ಭವೇಚ್ಚಂದ್ರಬಲಂ ಸದಾ || . || ಇತಿ ಶ್ರೀ ಚಂದ್ರಾಷ್ಟಾವಿಂಶತಿನಾಮ ಸ್ತೋತ್ರಮ್‌ ಸಂಪೂರ್ಣಮ್‌ ||