ಮಧುಮೇಹ ಮಾರಕವಲ್ಲ

ಮಧುಮೇಹ ಮಾರಕವಲ್ಲ ಮಧುಮೇಹ ಆಧುನಿಕ ಬದುಕಿನ ಜೀವನಾಡಿಯಾಗಿ ಬದಲಾಗಿದೆ. ವಯಸ್ಸಿನ ಭೇದವಿಲ್ಲದೆ ಕಾಡುವ ಈ ಕಾಯಿಲೆ ಇವತ್ತಿನದ್ದಲ್ಲ. ನೂರಾರು ವರ್ಷಗಳಿಂದಲೂ ಮನುಕುಲವನ್ನು ಕಾಡುತ್ತಿದೆ. ಕೆಲವರನ್ನು ಇದು ಗಂಭೀರವಾಗಿ ಅಥವಾ ಅಲ್ಪ ಪ್ರಮಾಣದಲ್ಲಿಯೂ ಕಾಡಬಹುದು. ಸದ್ಯ ಶೇ. 15ರಷ್ಟು ಮಂದಿ ಮಧುಮೇಹಕ್ಕಾಗಿ ಚಿಕಿತ್ಸೆ ಪಡೆಯುತ್ತಿದ್ದಾರೆ. ದೇಹದ ಶಕ್ತಿ ಉತ್ಪಾದನೆ ವ್ಯವಸ್ಥೆಯಲ್ಲಿ ಏರುಪೇರಾಗುವುದರಿಂದ ಬರುವ ಈ ತೊಂದರೆ ಇರುವವರ ರಕ್ತದಲ್ಲಿ ಸಕ್ಕರೆಯ ಅಂಶ ಅಸಮರ್ಪಕವಾಗಿ ಹೆಚ್ಚುತ್ತದೆ. ವೈಜ್ಞಾನಿಕವಾಗಿ ಈ ತೊಂದರೆಯನ್ನು ಡಯಾಬಿಟಿಸ್ ಮೆಲಿಟಿಪ್ ಎನ್ನುತ್ತೇವೆ. ಈ ತೊಂದರೆಯು ಜಠರದಲ್ಲಿರುವ ಮೇದೋಜಿರಕ ಗ್ರಂಥಿ ಇನ್ಸೂಲಿನ್ ಅನ್ನುವ ಹಾರ್ಮೋನ್ ಅನ್ನು ಉತ್ಪಾದಿಸುತ್ತದೆ. ಈ ಹಾರ್ಮೋನ್ ದೇಹದಲ್ಲಿ ಸಕ್ಕರೆಯ ಪ್ರಮಾಣವನ್ನು ನಿಯಂತ್ರಿಸುತ್ತದೆ. ನಾವು ಆಹಾರ ಸೇವಿಸಿದಾಗ ಅದರಲ್ಲಿರುವ ಗ್ಲೂಕೋಸ್ ಅಂಶವನ್ನು ಜಠರ ಹೀರಿಕೊಂಡು ರಕ್ತ ಪ್ರವಾಹಕ್ಕೆ ಬಿಡುಗಡೆ ಮಾಡುತ್ತದೆ. ಈ ಗ್ಲೂಕೋಸ್ ಜೀವಕೋಶಗಳಿಗೆ ಸೇರಿ ದೇಶಕ್ಕೆ ಅಗತ್ಯವಿರುವ ಶಕ್ತಿ ಉತ್ಪಾದಿಸುತ್ತದೆ. ಈ ಕ್ರಿಯೆಯಲ್ಲಿ ಇನ್ಸುಲಿನ್ ಗ್ಲೂಕೋಸ್ ನೆರವಿಗೆ ಬಂದು ಅದು ಜೀವಕೋಶ ಸೇರಲು ಸಹಾಯ ಮಾಡುತ್ತದೆ. ಈ ಇನ್ಸುಲಿನ್ ಅನ್ನು ಉತ್ಪಾದಿಸಲು ಮೇದೋಜೀರೋಕ ಗ್ರಂಥಿ ವಿಫಲವಾದಾಗ ಅಥವಾ ಉತ್ಪಾದನೆಯಾದ ಇನ್ಸುಲಿನ್ ಪರಿಣಾಮಕಾರಿಯಾಗಿ ಕಾರ‌್ಯ ನಿರ್ವಹಿಸದಿದ್ದಾಗ ಮಧುಮೇಹ ಕಂಡು ಬರುತ್ತದೆ. ಕೌಟುಂಬಿಕ ಹಿನ್ನೆಲೆ, ಚಟುವಟಿಕೆ ಇಲ್ಲದ ಜೀವನಶೈಲಿ, ಬೊಜ್ಜು, ಧೂಮಪಾನ, ಮದ್ಯಪಾನ, ಅಧಿಕ ರಕ್ತದೊತ್ತಡ ಕಾರಣವಾಗಬಹುದು. ಇದರ ಲಕ್ಷಣಗಳೆಂದರೆ ರಕ್ತದಲ್ಲಿ ಸಕ್ಕರೆಯ ಪ್ರಮಾಣ 180ಎಂಜಿ ತಲುಪಿದಾಗ ಮೂತ್ರದಲ್ಲಿ ಸಕ್ಕರೆಯ ಅಂಶ ಕಾಣಿಸುತ್ತದೆ. ಸದಾ ಸುಸ್ತು, ಪದೇಪದೆ ಮೂತ್ರ ವಿಸರ್ಜನೆ, ಹಠಾತ್ ತೂಕ ನಷ್ಟ, ಗುಣವಾಗದ ಗಾಯ, ಸದಾ ಹಸಿವು, ಲೈಂಗಿಕ ನಿರಾಸಕ್ತಿ, ಕಣ್ಣು ಮಂದವಾಗುವುದು, ಪದೇಪದೆ ಬಾಯಾರಿಕೆ ಇತ್ಯಾದಿ. ಬೆಳಗ್ಗೆ ಖಾಲಿ ಹೊಟ್ಟೆಯಲ್ಲಿ ರಕ್ತದಲ್ಲಿ ಸಕ್ಕರೆಯ ಪ್ರಮಾಣ 126ಎಂಜಿ ಅಥವಾ ಅದಕ್ಕಿಂತ ಹೆಚ್ಚಿದ್ದರೆ ಅದು ಮಧುಮೇಹ ಅಂತರ್ಥ.ದಿನದ ಯಾವುದೇ ವೇಳೆಯಲ್ಲಿ ರಕ್ತದಲ್ಲಿ ಸಕ್ಕರೆಯ ಪ್ರಮಾಣ 200ಎಂಜಿಗಿಂತ ಹೆಚ್ಚಿದ್ದರೆ ಅದು ಮಧುಮೇಹದ ಸೂಚನೆ. ಸಂಶಯಾಸ್ಪದ ಪ್ರಕರಣಗಳಲ್ಲಿ ರೋಗಿಗೆ ಗ್ಲೂಕೋಸ್ ದ್ರವ ನಿಡಿ ಆ ಬಳಿಕ ರಕ್ತದಲ್ಲಿ ಗುಕೋಸ್ ಪ್ರಮಾಣವನ್ನು ಅಳೆಯಲಾಗುತ್ತದೆ. ಇದರಲ್ಲಿ ಎರಡು ವಿಧಗಳಿವೆ. ಅವುಗಳೆಂದರೆ ಟೈಪ್ 1 ಮಧುಮೇಹ: ಇದು ಎಳವೆಯಲ್ಲಿ ಕಾಣಿಸುತ್ತದೆ. ಟೈಪ್2 ಮಧುಮೇಹ: ಇದು ಯುವಕರು ಹಾಗೂ ವಯಸ್ಕರಲ್ಲಿ ಜಾಸ್ತಿಯಾಗಿ ಕಂಡು ಬರುತ್ತದೆ. ಆದರೆ ಇತ್ತೀಚಿನ ದಿನಗಳಲ್ಲಿ ಅತೀ ಸಣ್ಣ ವಯಸ್ಸಿನಲ್ಲಿ ಕೂಡ ಕಂಡು ಬರುತ್ತದೆ. ಟೈಪ್ 1ರ ಮಧುಮೇಹಿಗಳಲ್ಲಿ ಮೇದೋಜೀರಕ ಗ್ರಂಥಿ ಇನ್ಸುಲಿನ್ ಉತ್ಪಾದಿಸುವುದಿಲ್ಲ. ಕೃತಕವಾಗಿ ಇನ್ಸುಲಿನ್ ಪಡೆಯಬೇಕು. ಟೈಪ್ 2ಮಧುಮೇಹಿಗಳಲ್ಲಿ ಇನ್ಸುಲಿನ್ ಸರಿಯಾಗಿ ಉತ್ಪಾದನೆ ಆಗುವುದಿಲ್ಲ. ಮಧುಮೇಹ ನಿಯಂತ್ರಣದಲ್ಲಿದ್ದರೆ ಸಮಸ್ಯೆ ಇಲ್ಲ. ಇಲ್ಲವಾದರೆ ಗಂಭೀರ ಸಮಸ್ಯೆ ಉಂಟಾಗಬಹುದು. ಮಧುಮೇಹಕ್ಕೆ ಸಮರ್ಪಕ ಚಿಕಿತ್ಸೆ ದೊರಕದಿದ್ದರೆ ನರಮಂಡಲ ದುರ್ಬಲಗೊಳ್ಳುತ್ತದೆ. ಕಾಲಿನ ನರಗಳು ದುರ್ಬಲಗೊಂಡಾಗ ರೋಗಿಗೆ ಕಾಲು ಜಡ್ಡುಗಟ್ಟಿದ ಅನುಭವವಾಗುತ್ತದೆ. ಹಾಗಾದರೆ ಕಾಲಿಗೆ ಏಟು ತಾಗಿ ಗಾಯವಾದರೂ ಹೆಚ್ಚು ನೋವಿನ ಅನುಭವವಾಗುವುದಿಲ್ಲ. ಇದರಿಂದ ರೋಗಿ ಗಾಯದ ಆರೈಕೆ ಬಗ್ಗೆ ಅಸಡ್ಡೆ ತೋರುತ್ತಾನೆ. ಈ ರೀತಿಯ ಅಲಕ್ಷ್ಯದಿಂದ ಗಾಯ ತಿಂಗಳುಗಟ್ಟಲೆ ವಾಸಿಯಾಗುವುದಿಲ್ಲ. ರೋಗದ ಲಕ್ಷಣಗಳೆಂದರೆ ಬಾಯಾರಿಕೆ, ಅತಿಯಾದ ಮೂತ್ರ ವಿಸರ್ಜನೆ, ಹಸಿವೆಯಾಗುವುದು, ದೃಷ್ಟಿಕೋನದಲ್ಲಿ ವ್ಯತ್ಯಾಸ ಸೇರಿದಂತೆ ಇನ್ನೂ ಹಲವಾರು ಕಾರಣದಿಂದ ಬರಬಹುದು. ಈ ಮಧುಮೇಹವನ್ನು ಉದಾಸೀನ ಮಾಡಿದರೆ ದೇಹದ ಮೇಲೆ ವ್ಯತಿರಿಕ್ತ ಪರಿಣಾಮ ಉಂಟಾಗುತ್ತದೆ. ಅದರಲ್ಲಿ ಮುಖ್ಯವಾದ ಸಮಸ್ಯೆಗಳೆಂದರೆ ಮೂತ್ರಪಿಂಡಗಳು ಹಾಳಾಗುವ ಸಾಧ್ಯತೆ ಹೆಚ್ಚು. ಹೃದಯಾಘಾತ ಸಂಭವಿಸಬಹುದು. ದೇಹದಲ್ಲಿನ ನರಮಂಡಲ ವ್ಯವಸ್ಥೆ ಹಾನಿಗೀಡಾಗುತ್ತದೆ. ದೇಹದ ಯಾವುದೇ ಭಾಗದಲ್ಲಿ ಗಾಯಗಳಾದರೆ ಬೇಗ ವಾಸಿಯಾಗುವುದಿಲ್ಲ. ದೇಹದಲ್ಲಿರುವ ರೋಗ ನಿರೋಧಕ ಶಕ್ತಿ ಕುಂದುತ್ತದೆ. ಹೋಮಿಯೋಪಥಿ ವೈದ್ಯ ಪದ್ಧತಿಯಲ್ಲಿ ಗುಣಮಟ್ಟದ ಚಿಕಿತ್ಸೆ ಇದ್ದು, ಮಧುಮೇಹ ಮತ್ತು ಅದರಿಂದ ಉಂಟಾಗುವ ಯಾವುದೇ ಅಡ್ಡ ಪರಿಣಾಮಗಳಿಗೆ ಶಾಶ್ವತ ಪರಿಹಾರ ನೀಡುವುದರ ಜತೆಗೆ ದೇಹದ ಆರೋಗ್ಯವನ್ನು ಕಾಪಾಡಿಕೊಳ್ಳಲು ಸಹಾಯ ಮಾಡುತ್ತದೆ. ಹೋಮಿಯೋಪಥಿ ವೈದ್ಯ ಪದ್ಧತಿಯು ಅಡ್ಡ ಪರಿಣಾಮವಿಲ್ಲದ, ಶಾಶ್ವತ ಚಿಕಿತ್ಸೆ ನೀಡಲಾಗುತ್ತದೆ. -ಸಂಗ್ರಹ